الاثنين، 16 أغسطس 2010

الألم



الألم
الشعور المذهل اللى بيحرك حياتنا
الإحساس القاتل اللى بيتحرك فينا لما بنغلط
لما بنحس إننا خسرنا حد مش عايزين نخسره
لما بنفكر فى إن النهاية وصلت خلاص وبإن مفيش حاجة فى الحياة ممكن تعدل اللى حصل أو تنتج شىء جديد فى حياتنا
الألم
منبع القوة ومنبع الضعف
المحرك الأساسى لحياة الملايين من الناس
للأحسن أو للأسوأ
فى أى إجاه هوا بيكون معاك
لكن اللى هيفرق بجد هوا إحساسنا والوقت اللى بنقضيه بنتألم
سواء بقت حياتنا أحسن أو أسوأ ففى كلتا الحالتين
هيكون دا أبسط تمن ندفعه للتخلص من الألم
صحيح مهم الإتجاه اللى هيدفعنا فيه الألم
ولكن زوال الألم يراه البعض نعمة
اللى بفهمه وبشوفه فى الحياة
هوا إن الألم هوا أكبر دليل على وجود حياة فى الواحد وإنه بيحس
سواء نفسيا أو جسديا
الإنسان اللى مش بيتألم هوا عبارة عن حجر
الألم أكبر النعم اللى ممكن نصادفها فى حياتنا من ربنا
أو بالمعنى الأصح نقدر نقول الإحساس
لكن إحساس الألم أهم ما يمكن
كان نفسى أتكلم أكتر
بس مفيش وقت
تصبحوا على خير ورمضان كريم
شاب فقرى
البوست اتكتب من شهر تقريبا
بس دا أوانه

هناك 4 تعليقات:

  1. الاحساس المذكور احلى من البوست بكتير :)
    نورتى يا بسنت
    فقرى

    ردحذف
  2. الألم
    منبع القوة ومنبع الضعف
    المحرك الأساسي لملايين من الناس
    للاحسن او للأسوأ

    الجزء ده من البوست عجبني أوي لانه اختصر كل الكلام اللي ممكن نقوله عن احساسنا بالألم في حياتنا..فعلا أوقات بيضعفنا..أوقات بيقوينا..ودايما بيغيرنا في الغالب للأسوأ..ونادر جدا لما يغيرنا للأحسن

    الألم هوا أكبر دليل على وجود حياة فى الواحد وإنه بيحس

    كلامك صح جدا..قدرتنا علي الاحساس بالألم بتكون مقياس لانسانيتنا وحياة قلوبنا

    البوست جميل جدا

    تسلم ايدك

    ردحذف
  3. ايه الاخبار الحلوة دي...:)فرحت جدا وانا بقرأ تعليقك ايه النشاط والانجاز ده..ماشاءالله (علشان ماتقولش انا بحسدك)..انا دلوقتي شايفه المدونة زي ما كنت بحلم بيها ..وزي الهوا كاتبة رائعة وواضح انها عندها كتير هتكتبة في المدونة.
    بخصوص اشتراكي معاكم...بصراحة انا جبانة:( ومن الناس اللي بتكتب كل سنة مرة وبسيب القلم والألم هما اللي يكتبوا فخايفه ماقدرش أكتب في موضوع معين وأفشل...وكمان احتمال اتوقف عن التدوين بعد فترة...
    رغم اني يسعدني جدا أن اشترك معاكم لاني بجد بحب فكرة المدونةاوي وبحس انها قريبة جدا مني لكن صعب اني اكتب فيها بانتظام
    لو كتبت بوست ولئيته مناسب انه يباه في المدونة هبعتهولك وانت تباه تقولي رايك

    مبررروك علي تحديثات المدونة
    مستنية ابداعك انت وزي الهوا في البوستات القادمة

    ردحذف