عمرى ما فكرت فى يوم أعمل مدونة تانية لأنى كنت شايف إن لازم كل اللى جوايه يصب فى قالب واحد فقط
مش لازم فصل ولا تعقيد ولا إنى أخلى أى حد يجرى هنا وهناك عشان يقرا اللى بكتبه أو اللى بقوله
لكن ...
لقيت إن الموضوع يستحق
هنا
أنا مش بتكلم عن الوحدة وبس
أنا بتكلم عن الوحدة كحالة واللى الناس بتمر بيه واللى بمر بيه من وحدة وكل حاجة تخص الموضوع دا
من أتفه الأحاسيس
لحد أعظم مشكلات الوحدة
بتمنى أقدر أفكر وأفسر
سمعت كتير إن مفيش حد يقدر يعالج نفسه أو يعالج وحدته لأنه جوا المشكلة
لازم يخرج برا الموقف ويبص من برا أو حد تانى يوصف له العلاج
يمكن هنا بحاول أعالج نفسى قبل ما أفكر أقنع أى حد تانى حاسس بالوحدة بإنه ينساها
بحاول أفسر إحساسى وليه بقيت كدا
بحاول أفسر تفكيرى وتفكير غيرى
يمكن فى ناس تقولى إنته تعرف إيه عن الوحدة
أنا عايش لوحدى فعليا من حوالى خمس سنين تقريبا
دا غير الشغل اللى عالنت اللى بيخلينى مجرد التفكير فى الخروج أو التعود عالناس مستحيل
وغير وغير وغير ......
أشياء كتير جدا
مش لازم كل حاجة تتحكى دلوقتى
ولا لازم كل حاجة تتعرف من البداية
الحياة يوم فى السما ويوم فى الأرض
مرة مبسوط بوحدتى ومرة حزين بيها
مرة بشجعها ومرة بلعنها
بس الحقيقة
إن الوحدة قاتله ولكنها خير من صديق السوء
تحياتى
شاب فقرى
بسم الله خيرا إن شاء الله
ردحذفkol klamk totally true my friend i sa3at kter bl3n elw7da bs sa3at akter mb3rfsh at5yl nfsy msh w7eda wb7shha a7la 7aga fe 7yaty :(
ردحذفأزال المؤلف هذا التعليق.
ردحذفI know what you are talking about... being isolated for a long time away from every thing ... even work is via internet... no communication...no friends ... no direct contacts
ردحذفeverything is through machines ...
I get used to this type of life
sometimes I see it as the best life ever specially at this era
other times I awfully hate it and I wish I could do some sort of change
but finally , the only truth is that I am experiencing The lovely damned Lonliness
قبل ما اعلق على البوست..هعلق على فكرة المدونة لانها عجبتني جدا..الوحدة احساس كتير منا بيعيشه على الأقل في فترات من حياته ..أسبابها مختلفه واحساس كل انسان بيها مختلف..علشان كده هننتظر منك بوستات كتير تتكلم فيها عن احساسنا واحساسك بالوحدة..
ردحذفمش عارفه ليه أول ما قرات كلمة الوحيدون..حسيت انها ممكن تكون مش مجرد مدونة..ممكن يكون في تفاعل اكتر من الزوار يتكلموا فيه عن وحدتهم ..الاحساس والتجربة يارب تكون فهمت قصدي
جميلة جدا المدونة
تسلم ايدك
فكرة المدونة عجبتني جدا أول ما قراتك اسمها حسيت انها ممكن تكون أكتر من مدونة لو كان في تفاعل اكتر مع زوارها لان كل واحد فينا جواه احساس بالوحدة او مر بفترة حس فيها بالوحدة...
ردحذفEngineer
ردحذفأنا شايف ان اللى ذكرتيه وقلتيه
ان احيانا بتشوفى الوحدة احلى حاجة فى حياتك
انا شايف انه نوع من محاولة إرضاء النفس وإقناعها بأى كل شىء تمام وإن الحياة حلوة وأنا مبسوط كدا
وان انا مش متخيل نفسى الا لوحدى
دا نوع من محاولة تحقيق الإكتفاء الذاتى
او قد تكون الحقيقة فعلا ...
نورتى
فقرى
الباحث عن السلام
ردحذفتعليقك اتمسح
بس نورت طبعا :)
تحياتى
فقرى
بسكوتيه
ردحذفصدقينى لو قلت لك ببقى بعانى وانا بحاول اقرا اى لغة تانى غير العربى
مش جهل باللغه والحمد لله لكن انا شايف انها تتسمع او تنطق مش يكتب بيها
عالعموم مش قضيتنا هحاول أقرا ولو الصداع زاد
تبقى دى مسؤليتك بقى
تصدقى مطلعتش بالصعوبة دى
نرد بقى
يمكن الوحدة وان الواحد يعيش معزول بعيد عن العالم شىء ممتع بعض الاحيان ومن مميزات العصر دا
لكن
فى حاجات فى حياتنا لازم نعيشها ونتعايش معاها
الاخرين او المجتمع او الاقارب او الناس فى الشغل او الحب او الاصدقاء
او الرفقة فى اى شىء
اقدر اقولك انى جربت الوحدة اكتر مما تتخيلى
وعشان كدا بكتب عنها
نورتى يا بسكوتية :)
story pain
ردحذفعايزة تكتبى وتبقى من القراء اللى بيشاركوا فى المدونة
يشرفنى دا
:)
يمكن بحاول أعالج نفسى
ويمكن بحاول أخلى الناس متحسش بالوجع اللى انا حسيت بيه
:(
ربنا موجود
دا بالنسبة لردك وتعليقك عالمدونة
-------
انا جاهز للتفاعل مع زوار المدونة :)
جدا
جدا
بس مش حاسس ان فى ناس متابعين المدونة بشكل كافى
:)
نورتى يا قصة الالم وألم القصة
شاب فقرى
اولا سوري على الصداع ده لو انا سببته
ردحذفانا كتبت بالانجلش مش لاني حابة او عاوزة كدة انا بس بكتب بيه لاني بعرف اعبر عن نفسي بيه اكتر مش عارفة ليه
بس يا سيدي ولا يهمك نكتب عربي
اما عن الوحدة
فانا مجرباها وعايشاها زي ما قلتلك شغلي وحياتي بيفرضوها عليا
مش هقول بفتقد اني اعيش الحاجات الكتير اللى بتقولها ولا بتفقد الرفقة لكن طيب لو مش لاقيها او لو لقيتهاو بتتألم وانت فيها او خلينا نقول حاجة ابسط لو لقيت الرفقة بس مش بتحس نفسك فيها مش تبقا الوحدة احسن
اوقات كتير بحن لوجودي مع الناس ووسط حياتهم بس كتير لاخطاء فيا وفيهم لاننا بشر كلنا اخطاء برجع اقول لا الألم في الوحدة ارحم من ألم انك تجرح حد مثلا او ان حد يجرحك او يصدمك او انك تحس انك مخنوق وسط ناس
مش عارفة
بس اقولك اوقات كتير ببقا نفسي اكسر قيود وحدتي وبعد شوية برجع اشوفها احلى ما في الكون
والوحدة بعد ما بتكون شيء مفروض عليك او مثلا روحتله برجليك لاي سبب
بتتحول لشيء اساسي
فمثلا بحن اكون لوحدى حتى لو وسط ناس
احب افصل نفسي اوي وانا في الشارع وفي المواصلات عن كل الناس باني اسرح في حاجة بعيد او احط سماعات الام بي ثري وانسى كل اللى حواليا
في البيت بلاقي متعة اكبر وانا بتفرج لوحدي على فيلم مع ان الطبيعي الناس بتكون مبسوطة بالمشاركة في الحاجات الحلوة دي
الوحدة النفسية مرض معدي ...بيعدي كل حاجة فيك
بتتحول لرغبة في الوحدة الجسدية والوحدة الفكرية وحدة في كل حاجة
وكل القواعد اللى بتقول اللمة حلوة في الاوقات الحلوة وفي الاوقات الصعبة بلاقيها بتتكسر فمثلا في زعلي وحزني عاوزة اكون لوحدي
ولو عاوزة احكي ببقا نفسي احكي وفي نفس الوقت الحد اللي بحكيلة يبقا انفيزيبل مش عاوزة منه طبطبة ولا شرح وتوضيح عاوزاه صامت ... ماهي وحدة برضه
وفي اوقات الفرح ...لما تلاقي نفسك عاوز تشارك غيرك فرحك او فرحه وتتصدم في رد الفعل بعد شوية بتتعود تفرح لوحدك وتشكر ربنا لوحدك
انا ممكن اقول واقول في حلاوة الوحدة وبعدين الاقيني ببكي منها ومن قسوتها
حالة متتوصفش ولا تترجم
وحدتي اتفرضت عليا وروحتلها برجليا وبعد شوية قيدتني واتحكمت فيا... حبيتها وكرهتها ...بس في الاخر استسلمتلها وعشتها ولسة بعيشها
اسفة اتكلمت كتير ويمكن كلام متلخبط
تحياتي